Barakaldok Industria 4.0 eta digitalizazioa hurbildu dizkie udalerriko enpresa txiki eta ertainei
Gaur goizean, BIC Bizkaia Ezkerraldeko Ilgner Aretoan, "Challenge 4.0” jardunaldia egin da, Barakaldoko enpresa txiki eta ertainetan eraldaketa digital jasangarriko prozesuak sustatzeko.
Jardunaldian tokiko 30 enpresatako 45 ordezkari izan dira, Bizkaiko Foru Aldundiko Ekonomia Sustatzeko Sailaren 2021eko Eskualdeko Lehiakortasuna Bultzatzeko Programaren barruan.
Barakaldo, 2021eko azaroaren 25a
BIC Bizkaia Ezkerraldeko Ilgner Aretoak Industria 4.0-ko arloko 45 profesional bildu ditu gaur, udalerriko enpresa txiki eta ertainetan eraldaketa digitalaren prozesua bultzatzera bideratutako «Challenge 4.0» jardunaldi teknikoaren barruan. Topaketa hau Bizkaiko Foru Aldundiko Ekonomia Sustatzeko Sailaren 2021eko Eskualdeko Lehiakortasuna Bultzatzeko Programaren barruan dago. Bertan, Inguraldek kolaboratzen du Meatzaldeko Behargintza, Enkartur, Egaz Txorierri, Azaro Fundazioa eta Errota Fundazioarekin batera.
David Solla Ekonomia Sustapeneko zinegotziak adierazi duenez, “Barakaldo oso konprometituta dago enpresa txiki eta ertainen eraldaketa digitalarekin, eta, batez ere, prozesu hori ikuspuntu jasangarri batetik aurrera eramateko beharrarekin. Enpresak negozio-eredu eraginkorragoak garatzeko gai izatea behar dugu, bezeroekin eta hornitzaileekin hobeto konektatuta daudenak, eta balio erantsi handiagoko produktu eta zerbitzuekin”.
Ildo horretan, topaketaren helburua ETEetan eraldaketa digital jasangarria ezartzeko agertoki egokia sortzea izan da. Hala, Ángel Medinak, “Challenge 4.0” -ko arduradun teknikoak, jardunaldia aurkeztu ondoren, bi saio berezitan egituratu da jardunaldia. Lehenengo hja estatuan ekoizpen-eraginkortasunari eskaintzen zaio digitalizazioaren bidez, eta bigarrenean, berriz, prozesuen kudeaketa hobetzeari.
Lehenengo zatian, honako hauen lana eta esperientzia ezagutzeko aukera izan dute bertaratuek: Eneko Ugalde, Teknikerren IK4ko Autonomoen eta Inteligenteen Sistemen Unitateko zuzendaria; Ponciano Ibarreche, Ltakt Proyect & Process, SLko administratzailea; Paula de Valle, Ideableko proiektuen arduraduna; Mikel Andrinua, LamRobotikako Iparraldeko Ordezkaritzako arduraduna; eta José María Ibáñez, Inycom-eko Industriako Negozioaren Garapeneko arduraduna.
Bigarren saioan, Gorka Unamuno, Idekoko 4.0 automatizazio, digitalizazio eta serbitizazioko ikertzailea; Guillermo Giménez, Auren Ingeniaritza eta Berrikuntza Arloko sozio-zuzendaria; Javier Llano Abaitua, Zamundiko gerentea; eta José Ramón Concha, Pers.eus-eko CEO eta Segurtasun aholkularia izan dira hizlari.