Global Innovation Day 2021 10. edizioa
Eman izena Global Innovation Day 2021en hamargarren edizioan eta jarraitu streaming bidez harrituko zaituen telebista formatuko programa.. Erregistratu
Global Innovation Day Berrikuntzaren Euskal Agentziak, Innobasque, euskal berrikuntzari balioa emateko eta Euskadi lurralde berritzaile gisa kokatzeko antolatu duen euskal berrikuntzaren hitzordu nagusia da, berrikuntza globalarekin konektatuz. Berrikuntza abian da Euskadin. Europan sortzen ari diren eta emaitza hobeak lortzen ari diren berrikuntza-joera nagusiak aurkeztuko ditugu. Eraldaketa digitalarekin, iraunkortasunarekin eta konpromiso sozialarekin lotutako 6 berrikuntza-kasu praktiko ere ezagutaraziko dira. Iñigo Urkullu Renteria Lehendakariak inauguratuko du Zientzia, Teknologia eta Berrikuntzaren XXI. Astea Euskadin.
PROGRAMA 2021eko AZAROAREN 3a, 11:30etik 13:00etara
*Dani Álvarez kazetariak aurkeztua
Ezagutu aurten aurkeztuko dituzten 6 berrikuntza kasu praktikoak
Aquadat
Aquadat start up-ak Coca Colako uraren kudeaketa hobetzen duen garapen teknologikoa sortu du Galdakaoko (Bizkaia) botilaratzeko makinan. Sentsore-sistema batek astean 7 egunetan aztertzen du, egunean 24 orduz Coca Colaren uraren hainbat parametro, hala nola PH, nitratoak edo uhertasuna, datu bihurtzen direnak.
Mondragon Korporazioko Osagaien Dibisioa
Mondragon Korporazioko Osagaien Dibisioko enpresek, ONCErekin batera, sukaldearen gainaldea sortu dute, mugikorraren edo Alexa bezalako ahots-laguntzaileen bidez sukaldea erabiltzeko aukera ematen duena ikusmen-urritasuna duten pertsonentzat.
Satlantis
Satlantisek ISIM-170 sortu du, “Merkatuko satelite txikientzako kamerarik onena”, Euroconsult ingeniaritzako nazioarteko aholkularitzaren arabera. Kamera arinagoa, merkeagoa eta txikiagoa, espaziotik Lurraren irudiak metro bat baino gutxiagoko tamainatik jasotzeko gai dena, ingurumen-parametroak neurtzeko.
Sidenor
Sidenor hondakin erregogorrei bizitza berri bat ematen ari da, sortzen dituzten produktu berrien % 70a osatuz. Horrela, ia 2.000 tona hondakin zabortegira joateari utzi diote eta, gainera, urtean 250.000 euro aurreztea ahalbidetzen ari da.
Dbus
Big data, adimen artifiziala eta algoritmoak erabiliz, Dbus-ek etorkizuna % 98ko fidagarritasunarekin iragartzea lortu du. Teknologia horri esker, denbora errealean lor dezakete autobusen okupazioari edo itxarote-denborei buruzko informazioa eta, gainera, kreditu-txartelekin ordaintzea ere, pertsonen arteko kontaktua saihestuz.
Fundación Residuo Cero
Residuo Cero Fundazioaren “Rexcatering” ekimenaren helburua da ikastetxe eta ospitaleetako cateringetik soberako elikagaiak biltzea eta Plentziako (Bizkaia) edo Hernaniko (Gipuzkoa) bide publikoan kokatutako vending makinen bidez banatzea. Gainera, prozesua monitorizatzen duen erreminta bat du, makinetan zenbat elikagai dauden eta zenbat kontsumitzen diren jakiteko aukera ematen duena.