Eusko Jaurlaritzak COVID-19aren aurkako prebentzio neurri berriak hartu ditu 150 kasuko tasa gainditzen duten udalerrietan

Neurri berrien helburua da udal-agintariek baloratzea prebentzio-neurriei eutsi ezin zaien jarduerak etetea edo atzeratzea, eta neurriak dauden ekitaldietan jarduera horiek indartzea.

Osasun Sailak baimena eskatuko dio EAEko Justizia Auzitegi Nagusiari gaueko aisialdiarekin edo jatetxearekin lotutako jarduera jakin batzuetan COVID ziurtagiria eskatzeko.

Agindu berriarekin batera, indarrean jarraituko dute maskara nahitaez erabiltzea, eskuen higienea eta espazio itxien aireztapena bezalako neurriek, bai eta urriaren 6ko aginduaren eranskinean jasotakoek ere.

Barakaldon, 2021eko azaroaren 16ean

Gotzone Sagardui Osasun sailburuak ezagutzera eman ditu intzidentzia-tasa metatua 100.000 biztanleko 150 kasutik gorakoa duten udalerriei zuzendutako neurri berriak. Ekitaldi jendetsuak saihestera edo horiek modu seguruan egiteko neurriak indartzera bideratutako neurriak dira. Era berean, sailburuak aurreratu du Eusko Jaurlaritzak baimena eskatuko diola EAEko Justizia Auzitegi Nagusiari gaueko aisialdiarekin edo jatetxearekin lotutako jarduera jakin batzuetan COVID ziurtagiria eskatzeko.

Gobernu Kontseiluaren osteko prentsaurrekoan, sailburuak egungo egoeraren azterketa egin du, pandemiaren adierazle nagusien eta horien ebaluazioaren errepasoa eginez. Egoera hori kontuan hartuta, neurri berriak proposatu ditu, eta bihar, asteazkena, azaroaren 17an argitaratu eta indarrean jarriko den agindu berri batean jasoko dira.

Iturria: Irekia

ORDEN de 16 de noviembre de 2021, de la Consejera de Salud, por la que se implantan y modulan las medidas recogidas en la Orden de 6 de octubre de 2021, de prevención necesarias para hacer frente a la crisis sanitaria ocasionada por el COVID-19 en la nueva normalidad una vez declarada por el Lehendakari la finalización de la situación de emergencia, en aquellos municipios con una tasa acumulada a catorce días de 150 por 100.000 habitantes de contagios COVID-19.