Euskadin Osasun-larrialdiko egoeraren adierazpenaren amaiera. LABI neurriak 2021eko urriaren 5ean

LABIren Aholku Batzordearen gaurko bileraren ondoren, Osasun Sailaren txostenari eta Batzorde Zientifiko Teknikoaren Irizpenari erreparatuta, Iñigo Urkullu lehendakariak, organo horretako presidentea den aldetik, esan du LABIk osasun-larrialdiko egoeraren adierazpena amaituko duen dekretua onartzearen aldeko jarrera adierazi duela.

Dekretua ostegun honetan, 2021eko urriaren 7an, argitaratzen denean sartuko da indarrean, eta horrek neurri mugatzaile gehienak kentzea dakarren arren, murrizketa batzuk mantenduko dira, hala nola espazio itxietan eta 5.000 lagunetik gorako edukiera duten esparruetan antolatutako ekitaldietan %80-eko mugari eutsiko zaio. Era berean, indarrean jarraituko du maskara erabili beharrak barnealdeetan; baita ere kanpoaldeetan, pertsonen arteko distantzia mantendu ezin denean.

TERRAZAK BARAKALDON

Bestetik, Barakaldoko Udalak espazio publikoaren okupazio tasa berraktibatzea onartu du osoko bilkuran; horregatik, urtarrilaren 1etik aurrera, ostalaritza-terrazak kobratuko dira. Hala ere, Barakaldoko Udalak tasak, prezio publikoak eta zergak bere horretan utziko ditu beste urtebetez. 
Horrekin batera, 2022ko urtarrilaren 1etik aurrera aparteko terrazetarako aparkaleku guztiak ere berreskuratuko dira herritarren erabilerarako.
Gainerako terrazei dagokienez, 2022rako horiek mantendu nahi dituzten ostalariak lehenbailehen terraza berritzeko eskatzera animatu nahi ditu Udalak. Egoera bakoitza banan-banan aztertuko da eta, araudian jasotako baldintzak betetzen badira, berritu egingo da, dagozkion tasen berri emanez. 

Ikusi Terraza eta Mahaitxoei buruzko Ordenantza

Ikusi Tasak araupetzeko Ordenantza. Eranskina (D epigrafea)  

Galderak eta eskarien tramitazioa:
Udal Zerbitzuak
Tel: 944789300
Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.