Enpresak eta Merkataritza
Abian jarri ditu Barakaldok bertoko enpresa, sal-gune eta ostalaritzako establezimenduetan errotulazioa euskaraz jartzeko laguntzak
Inguralde BakQ ziurtagiria lor daitekeen udal arretarako guneen sarean sartu da
Barakaldoko Toki Garapenerako Agentziak ziurtagiri elektroniko horren erabilerari buruzko informazio eta arreta pertsonalizatuko zerbitzua eskainiko du, bereziki merkataritzaren, ostalaritzaren eta hiri-enpresen sektoreari zuzendua
Helburua da tokiko enpresen artean administrazio elektronikoa bultzatzea eta online izapidetze-sistemen erabilera sustatzea
Barakaldok bertan behera utzi du pandemiagatik prestatutako terrazen luzapena, eta otsailaren 18a baino lehen kendu beharko dituzte
Joan den abenduko luzapen-dekretuan aurreikusita zegoen bezala, Barakaldoko Udalak amaitutzat eman du bide publikoan terrazak eta mahaitxoak jartzeko ezohiko epea, Eusko Jaurlaritzak ostalaritza-sektorearen ohiko jarduerari eragiten zioten murrizketak kenduko dituela iragarri ondoren.
Otsailaren 14an, salbuespen gisa gaitutako terrazen luzapena amaitzen da, bai eta terrazen doakotasuna ere.
2022ko otsailaren 10ean, lehendakariak iragarri du amaitu egingo dela Euskadiko osasun-larrialdiko egoera, eta kendu egingo direla ostalaritza-jarduerari eragiten zioten murrizketak, 2022ko otsailaren 14tik aurrerako ondorioekin.
Horrenbestez, 2022ko otsailaren 14tik aurrerako ondorioekin, iraungitzat jotzen da ostalaritza-establezimenduetako terrazak eta mahaitxoak baimentzen zituen luzapenaren indarraldia, zeinak salbuespenez gaituta baitzeuden ostalaritza-jarduera errazteko sektoreari ezarritako murrizketen indarraldian, bai eta doako tasa ere.