IVAPekin topaketa, Administrazio Publikoko lan-aukerak ezagutzeko

Ostiral honetan, ekainaren 26an, beste bitartekotza-jardunaldi bat egongo da Clara Campoamor zentroan, Bizkaiko Foru Aldundiaren 3R programaren eremuan.

Barakaldon, 2026ko ekainaren 26an

Ostiral honetan, ekainaren 26an, Inguraldek bitartekotza-jardunaldi bat antolatuko du Administrazio Publikoaren Euskal Institutuarekin (IVAP), parte-hartzaileei Administrazio Publikoan dauden lan-aukerak hurbiltzeko. Topaketa Clara Campoamor zentro zibikoan izango da, jende askok eman baitu izena. Ekimen hau Bizkaiko Foru Aldundiak tokiko erakundeei laguntzeko abian jarri duen 3R programaren barruan dago kokatuta, eta langabezian geratu diren pertsonen enplegua sustatzea du helburu nagusi.

IVAPeko zuzendaria, Leire Corrales, bertan izango da. ekitaldian Euskal Autonomia Erkidegoko enplegu publikoari buruzko informazioa aurkeztuko da, baita egungo eta etorkizuneko lan-aukerak eta Administrazioan sartzeko prozesuak ere. Arreta berezia jarriko da Enplegu Publikorako Eskaintzetan (EPE), lan-poltsetan eta beste hautaketa-prozedura batzuetan.

Gainera, gehien eskatzen diren profil profesionalei, gehien baloratzen diren gaitasunei eta sektore publikoko ohiko lan-baldintzei buruzko informazioa emango da. Horrela, bertaratzen diren pertsonek zuzenean ezagutuko dituzte sartzeko baldintzak eta deialdi-motak, eta gomendio praktikoak jasoko dituzte beren lan-bilaketa esparru horretara bideratzeko. 

Informazio guztia hemen