.

Imajinatzen al dituzu sariz, magiaz eta musikaz beteriko gabonak, izotz gaineko patinaje-pista eta guzti, etxe ondoan? Ba aurten, zuk nahi dituzun gabonak Barakaldon daude. Gozatu jai girorik onenaz, aukeratu hiriko saltokiak zure erosketa eta oparietarako, eta parte hartu prestatu ditugun jardueretan. Esperientzia paregabea duzu zain.

Kanpainaren bideoa

Barakaldoko Udalak, Inguralderen bidez, Merkataritza eta Ostalaritza Sustatzeko Kanpaina bat jarri du abian, Barakaldon bezeroak leialtzeko eta erosketak eta aisialdia bultzatzeko

Foruen Pasealekua, 11:00etatik 20:30era, tokiko artisautzarako erreferentziazko gunea izango da berriro ere, eta 31 marka eta establezimenduk parte hartuko dute, zilar birziklatuzko produktu bakarrak, portzelanazkoak, puntu edo gozogintza sortzailekoak, erakutsi eta salgai jartzeko.

Merkatua urtean bitan egiten da, eta "Barakaldo Creativity" programaren parte da, jasangarritasunean, hurbiltasunean eta pertsonalizazioan oinarritutako artisautzako eta sormenezko produktuen tokiko merkatua sustatzeko. Orain arte identifikatutako 40 marka inguruk hartzen dute parte, eta horietatik 31 sormen-saltokiak dira.