Barakaldok Artisautza eta Sormen Azokaren edizio berri bat ospatuko du maiatzaren 13an

EGURALDI IRAGARPENENGATIK ATZERATUTAKO EKITALDIA.

Bisuteria, kosmetika naturala, zuraren taila eta eskulanak izango dira, besteak beste, eguneko protagonistak. Ekitaldia larunbatean izango da, Foruen pasealekuan, 10: 30etik 15: 00etara..

Ekimena ‘Barakaldo Creativity’ programaren barruan kokatzen da. Bertako artisauen eta artisten lana eta eskuz egindako produktuak, originalak eta Km0 izenekoa sustatu eta herritarrei hurbildu nahi dizkie programak, eta Bidezko Merkataritzaren Munduko Egunarekin bat egiten du.

Barakaldo, 2023ko maiatzaren 8a

Barakaldok Artisautza eta Sormen Azokaren edizio berri bat hartuko du maiatzaren 13an, larunbata, eta 35 profesional inguru bilduko dira bertan. Ekitaldia Foruen pasealekuan izango da, 10: 30etik 15: 00etara, eta arteari, eskulanei, artisautzari eta km0 produktu jasangarri eta lokalei buruzko aukera sendo eta askotarikoa eskainiko die herritarrei. Merkatua bat dator Bidezko Merkataritzaren Munduko Egunarekin. Izan ere, 2014an hasi zen Artisautza Merkatua, eta haren motibazio nagusietako bat artisautza eta Km0 produktuak bidezko merkataritzarekin estu lotzea izan zen.

Inguraldek azpimarratu duenez, “artisautzaren eta sormenaren tokiko sektorea oso aberatsa da, eta kolektiboak askotariko profesionalak, artistak, artisauak, merkatariak eta lanbide tradizionalak biltzen ditu, hala nola tapizgintza eta gozogintza”. Hori dela eta, urtez urte horiek sustatzeko ekimenak sustatzen dira. Ekintza berriena abenduan izan zen, Gabonetako Barakaldo Creativity Market izeneko ospakizunarekin. Bertako aisialdi eta erosketa giroa dinamizatzeko helburuarekin antolatu zen, udaberriko edizio honetan bezala, tokiko profesionalek eskaintzen dituzten kalitatezko produktuei balioa emanez.

Merkatua, gainera, bide pribilegiatua da Made in Barakaldo talentua ezagutarazteko eta pertsona sortzaileen, sektoreko profesionalen eta herritarren arteko topagune gisa duen posizioa sendotzeko.

Ildo horretan, merkatuan tokiko marka eta profesional hauek hartuko dute parte: 8 Noches, AEBAK Asociación de Escritores de Barakaldo, Anuskita y sus Cachivaches, Arte Sanna Natural, Artesanía Roberto, Barakaldoko Betiko Txakolina, Bilbita Bilbao, Creaciones Monfofu, David de Haro Zaindari Ediciones, Elena Fernandez Escritora, Goilurra, Itxasloo Portu, Iuliana Arte Floral, Jandameida, Jose Etxabe, Karola Kosmetika Naturala, Kuttun Art, La Despensa de Anfi, LaPreTAda, Lima's y Nals, Lo&Ge, Irartesania, Lula's Bakery, Lurky Cotton, LuRRaRRium, Matxetenekua, Nire Panpinak, Ojalá…, Pastelería Zuberoa, Regalaran, Sinergias Kármicas, Utai eta Volart.

Horiek guztiak Artisautza Azokan elkartuko dira maiatzaren 13an, larunbata, Foruen pasealekuan, 10: 30etik 15: 00etara. Ekitaldi honi buruzko informazio osoa Inguralderen webgunean ere eskura daiteke.