Barakaldok datozen egunetan irekiko du Kontsumo Bonuen kanpaina berrian parte hartzeko epea, eta 110.000 euroko inbertsioa egingo du udalak

Amaia del Campo alkateak ekimen berri honekin bat egiteko deia egin die merkataritza-sektore guztiei, udan 200 dendek parte hartu baitzuten.

Barakaldo, 2020ko urriaren 2a

Udalerriko saltoki eta negozioak "Barakaldo Kontsumo Bonoa" kanpainaren bigarren fasera bildu eta atxikitzeko prozesua abian jarriko dela iragarri du gaur Barakaldok. Kanpaina osasun-krisiaren ondoren sektorea dinamizatzeko sortu da eta, eta Udalak 110.000 euro inbertituko ditu ekimen berri honetan parte hartzen duten enpresa eta pertsona autonomoen eskura 22.000 kupoi jartzeko. Balio nominala 15 eurokoa izango da, baina 10 euroren truke bakarrik eskuratu ahal izango da.

Horrela, udan abian jarritako Kontsumo Bonoaren lehen edizioko metodologia bera erabiliko da. Udalak diseinatu zuen kanpaina, udalerriko merkataritza eta ostalaritza elkarteekin lankidetzan. Horrela, bonuak modu ekitatiboan banatuko dira ekimen honetan parte hartuko duten saltoki eta ostalaritza lokalen artean, eta, beraz, guztiek irabazi berberak izango dituzte. Lehenengo edizioan, esaterako, 200 saltoki inguruk eman zuten izena, eta bakoitzak 110 bonu izan zituen bezeroei eskaintzeko; Udalak 550 euroko laguntza zuzena eman zien.

Ekimen hau Barakaldoko Udalak COVID-19ren krisiari aurre egiteko bultzatutako neurri-sortaren barruan kokatzen da. “Gure ustez, kontsumo-bonuak oso tresna erabilgarriak dira igarotzen ari garena bezalako uneetan; izan ere, abantaila dira merkatarientzat eta ostalarientzat, beren salmentak bultzatzen baitituzte, barakaldarrentzat bezala, produktuak eta zerbitzuak modu onuragarriagoan erosi ahal izango baitituzte” esan du Barakaldoko Alkateak Amaia del Campo, David Solla Garapen Ekonomikoko zinegotziarekin batera.

ldo horretan, Sollak gogorarazi du kanpaina honen udazkeneko edizioaren onuradun izan nahi duten pertsonek lokal berean eskatu beharko dutela kontsumo bonua, erosketa egiteko unean. "Gehienez 2 kupoi eskatu ahal izango dira erosketa bakoitzeko, eta gehienez ere % 33 aurreztuko da", gogorarazi du.

Merkatari eta ostalariek izena emateko epea

Aurreikusita dago kanpaina honetan izena emateko epea urriaren bigarren hamabostaldian irekitzea. Interesa duten establezimenduek eskabide-orria behar bezala beteta aurkeztu beharko dute, eta Udalaren Egoitza Elektronikoan eta www.inguralde.eus webgunean eskuratu ahal izango da. 

Dinamizazio-estrategiaren barruan, parte hartzen duten negozioek kit bat jasoko dute, honako hauek osatua: kartel bat, establezimendu parte-hartzaile gisa identifikatuko duena kanpainaren irudiarekin, haren baldintzak azaltzen dituen orri bat eta zenbakidun bonuak dituen pakete bat.

"Dendak ekimenean parte hartzera animatu nahi ditugu. Udan saltoki askok esan ziguten bonuak erraz ateratzen zirela eta jendea ilusio handiz itzultzen ari zela saltokietara ", azaldu du zinegotziak. David Solla Ekonomia Sustapeneko zinegotziak adierazi du, halaber, ia ez dela bonuen sistemaren funtzionamenduarekin lotutako gorabeherarik izan. Edonola ere, establezimenduekin lan egingo da akatsak ezabatzeko, bigarren fase honi begira.

"Gure helburua da bigarren edizio honetan beste lokal askok parte hartzea. Ziur gaude Barakaldok gure merkataritzaren eta ostalaritzaren dei berri horri erantzungo diola. Lehen fasean atxikitako negozioentzat, kanpaina fidelizatzeko eta tokiko kontsumoa sustatzeko tresna eraginkorra izan da, eta, beraz, parte hartuko duten lokalen kopurua handitzea espero dugu ", adierazi du Del Campok Alkateak.

Udalak aurten martxan jarri duen bigarren kontsumo-bonu kanpaina da hau, eta bien artean 220.000 euro inbertitu ditu. Pandemia sortu zenetik, Barakaldok hainbat ekimen jarri ditu abian, koronabirusak sortu duen osasun eta ekonomia krisiaren ondorioak arintzeko. Ekimen horiek milioi bat eurotik gorako inbertsioa eragin dute.