Hiru ‹kiosko› elkarreragileek Barakaldoko kultura, aisialdi, merkataritza, eta turismo eskaintzari buruzko informazioa eskaintzen dute

Ukipen-pantailak dituzten gune hauek, Bide Onera Enparantzan, BECen aurrean, eta Gurutzeta Ospitalearen ingurunetan aurkitzen dira

Kiosko hauek pertsona guztiek erabili ahal ditzaketen moduan diseinatuta daude

Barakaldo, 2019ko abenduaren 4a

Bihar hiru kiosko edo informazio-puntu elkarreragileak martxan jarriko ditu Barakaldoko Udalaren garapen agentziak, Inguraldek, hiriaren merkataritza, ostalaritza eta aisialdi, kultura, eta turismo eskaintza bultzatzeko helburuarekin.  Gune hauek Bide Onera Enparantzan, BECen aurrean, eta Gurutzeta Ospitalearen ingurunetan jarri dira, bisitari ugari dituzten hiriaren hiru kokapen nagusietan. 

Ekonomia eta Enpresa Garapen eta Estrategia eta Hiri-garapen (Smart) zinegotziak, David Soilak, azaldu duen bezala, hauen instalazioa, hiriak gero eta gehiago jasotzen duen bisitari ugaritasun garrantzitsuari begira, etengabeko eta eguneratutako informazioa izateko beharrari obeditzen du.  Zentzu honetan, azoka eta ekitaldi desberdinetan parte-hartzeko asmoz, 2018an BECra milioi bat pertsona baino gehiago joan zirela nabarmendu du.  Gainera, Barakaldok osasungintzan, justizian, hezkuntzan, eta udal-zerbitzuetan lan egiten duten 10.000 pertsonako biztanleria mugikorra du, saltoki eta ostalaritza tokientzat kontsumo aukera itzela suposatzen duena. 

Gune elkarreragileek hiriari buruzko edozein informazioa izateko aukera ematen duten ukipen-pantailak dauzkate, pantailan dagokion ikonoan hatzamarraz presio soila eginez. Edukiei dagokionez, kioskoek ibilbide interesgarriei, kultura eta aisialdi agendari, eta ostatu, saltoki, ostalaritza, eta berritzapen guneei buruzko informazioa eskaintzen dute, bai eta urteko momentu bakoitzean jazotzen diren kultura eta aisialdi ekintzen agenda osoa ere. 

“Hiriaren zerbitzu- eta interes-guneekin erlazionatuz, honen merkataritza eta aisialdi ahalmena agerian jartzen duen kalean bertako merkataritza eta turismo informazio sistema oso dinamikoa da. Gure asmoa erosketa turismoa erraztea da, saltoki eta aisialdi gunera, eta hirigunera doazen bisitari fluxua sortzearen bitartez”, azaldu du David Sollak.   Hurreratze hau errazteko, informazio-gune berriek hiriko-enpresen mapa interaktiboa izango dute, non jan, non erosi, edo edozein zerbitzu non eskatu aise geolokalizatzeko.

Halaber, Ekonomia eta Enpresa Garapen zinegotziak honakoa erantsi du: “Teknologia berriak hiriari buruzko informazio-zerbitzuari gehitzeko apustuak, Barakaldo bizi- eta zerbitzu-kalitate hobeko hiri adimendunean bihurtzeko estrategian aurrerapena suposatzen du”.

EUSKO JAURLARITZAREN DIRU-LAGUNTZA

Proiektu honen kostua 138.545 eurokoa izango da.  Hau gauzatzeko, Inguraldek Euskal Jaurlaritzaren Turismo, Merkataritza, eta Kontsumo zuzendaritzak emandako 60.000 euroko diru-laguntza izan du, Hirigune proiektuaren barruan, lankidetza, dinamizazio, eta hiritar merkataritza-lehiakortasun zonakako estrategiak sustatzera zuzenduta dagoena. 

 

 

SUBIR